Movin'On 2021 Ümumdünya davamlı mobillik sammitində Michelin, dözümlülük yarışı üçün dizayn edilmiş hidrogenlə işləyən GreenGT Mission H24 idman prototipi üçün 46% ətraf mühitə uyğun materialdan hazırlanmış yüksək performanslı yarış təkərini təqdim etdi.
Motorsport üçün hazırlanmış innovativ texnologiyalar Michelin şirkətinə bir çox müşahidəçilərin mümkünsüz hesab etdiklərini etməyə imkan verdi: yəni yarış meydançasında üstün xüsusiyyətləri təmin edən ekoloji materialların yüksək saxladığı təkəri (şini) yaratdı.
Bu yüksək faiz (yəni 46%) təkərlərin təbii kauçuk tərkibini artırmaq və istismar müddəti bitən təkərlərdən texniki karbon istifadə edərək əldə edilmişdir. Bioloji mənbələrdən və ya yeni təkərdəki təkrar emal edilmiş digər ətraf mühit materiallarından da istifadə olunur və bunlar: portağal və limon qabığı, günəbaxan yağı, şam qatranı və metal təkrar işlənmiş alüminium qablar.
Əsl texnoloji laboratoriya kimi, Motorsport Michelin ekstremal istismar şəraitində yeni yüksək texnologiyalı təkər (şin) modellərini inkişaf etdirmək və sınaqdan keçirmək imkanı verir. GreenGT şirkəti ilə innovativ tərəfdaşlıq sayəsində Michelin istehsal olunan təkrlərə (şinlərə) Ekoloji təmiz materialların daha çox payını onların xüsusiyyətlərinə xələl gətirmədən daxil etmək qabiliyyətini nümayiş etdirir.
Xatırladaq ki, bu il Michelin şirkəti 2050-ci ilə qədər bütün təkərlərində yalnız ekoloji cəhətdən təmiz materiallardan istifadə etmək öhdəliyini elan etmişdi. Bundan əlavə, Michelin həyat dövrünün bütün mərhələlərində öz şinlərinin ətraf mühitə təsirini azaltmaq üçün ekoloji dizayn proseslərindən geniş istifadə edir.
"Biz Movin' On və onun tərəfdaşlarının əsas dəyərini, yəni sözün ən geniş mənasında mobilliyin və hərəkətin həyatın ayrılmaz olduğuna və tərəqqi mənbəyinə çevrildiyinə dərin inamını bölüşürük", - bu sözləri Michelin qrupun prezidenti Floran Meneqo bildirib. "Bu ilki Qlobal Davamlı Mobillik Sammitində təqdim etdiyimiz yenilikçi həllər hərəkətliliyi daha da davamlı etmək qərarımızın real sübutudur."
RU
