Məşhur Portuqaliya avtomobil yarışçısı, Makao Qran-Prisinin ikiqat qalibi və Formula-E-nın hazırkı çempionu Antonio Feliks Da Costa Goodyear brendinin ambassadoru təyin edilib. Jota Sport komandasının LMP2 prototip heyətinin tərkibində 29 yaşlı Portuqaliyalı, Goodyear-in rəsmi təkər tədarükçüsü olduğu FIA WEC Dünya Dözüm Çempionatında yarışır.
Antonio Felix Da Costa, Goodyear’ın dözümlülük yarışlarına qayıtdıqdan sonra ilk qələbəsini gətirdi və 2019-cu ildə WEC Şanxay Mərhələsində Anthony Davidson və Roberto Gonzalez ilə qalib oldu.
"Biz Antonio Felix Da Costa-nı Goodyear brendinin səfiri kimi salamlamağa çox şadıq", - deyə Goodyear Motorsport-un direktoru Ben Krouli bildirib.
"Goodyear brendinə Ambassador kimi qoşulmaq mənə avtosportda iştirakın ən zəngin tarixi olan şirkəti təqdim etməyə imkan verəcək", - deyə Da Costa bildirib. Da Costa əlavə olaraq onu da bildirib ki, - bu, həm mənim üçün, həm də marka kanalları vasitəsilə Jota Sport komandasını izləyə biləcək pərəstişkarlarım üçün həyəcan verici bir andır. Əlavə olaraq onuda bildirim ki, ilk dəfə olaraq WEC yarışı Portimao yolunda doğma ölkəmdə keçiriləcək".
RU
